“Turan-T” İK-da məşqçilər şurası yaradılıb. 5 nəfərdən ibarət məşqçilər şurasının əsas məqsədi uşaq futbol məktəbindəki məşqlərin keyfiyətinin artırılması, məşqçilərin və futbolçuların müntəzəm nəzəri məşğələlərlə biliklərinin artırılması, bütün yaş qruplarının eyni taktiki sxemə uyğunlaşması, gənc futbolçulara bu idman növünün bütün dərinliklərini aşılamaq onların futbol savadını, anlayışını zəngiləşdirməkdir.
Korner.az-ın klubdan aldığı məlumata görə, hər həftə məşqçilər şurası tərəfindən nəzəri və praktiki məşqlər təşkil olunacaq. Hər yaş qrupu üzrə məşqçi həftəlik, aylıq və illik plan üzrə çalışacaq. Müntəzəm olaraq məşqçi və futbolçulardan test-normativlər götürüləcək. Belə olan halda işin keyfiyətinin nə dərəcədə atracağını, inkişafı və ya geriləməni müşahidə etmək mümkün olacaq.
Qeyd edək ki, birinci divizionda çıxış etməsinə baxmayaraq “Turan-T” İK-da 500-ə yaxın uşaq və yeniyetmə futbolçu futbolun sirlərini öyrənir. Klubun U-6-10, U-11, U-12, U-13, U-14, U-15 və U-17 komandaları ölkə birinciliklərində çıxış edir. Müntəzəm olaraq rayonun müxtəlif kənd və qəsəbələrində seleksiya işləri aparılır istedadlı futbolçuların kluba cəlb olunur.
