Avropa Liqasında növbəti mərhələyə vəsiqə qazanan daha 9 klubun adı məlum olub.
Korner.az-ın məlumatına görə, qrup oyunlarının bitməsinə bir tur qalmış “Trabzonspor” (Türkiyə), “Genk” (Belçika), “Ayntraxt” (Almaniya), “Anji” (Rusiya), “Latsio” (İtaliya), “Lion” (Fransa), “Betis” (İspaniya), PAOK (Yunanıstan), “Alkmaar” (Hollandiya) “pley-off”-da oynamağı özləri üçün təmin edib.
Qeyd edək ki, bundan əvvəl “Valensiya” (İspaniya), “Rubin” (Rusiya), “Ludoqorets” (Bolqarıstan), “Zalsburq” (Avstriya), “Esbyerq” (Danimarka), “Fiorentina” (İtaliya), “Dnepr” (Ukrayna) və “Tottenhem”(İngilətərə) növbəti mərhələyə adını yazdırmışdı.