“Yaxında hörmətli cənab Toşakın fikrini oxudum. Məhz onu ki, Peşəkar Futbol Liqası hər matçda komandalara yeni toplar verməlidir. Prinsipcə, hər şey doğrudur. Toşak kimi peşəkar olmayaraq, mən də başa düşürəm ki, bu, oyun keyfiyyətini xeyli yaxşılaşdıracaq”.
Korner.az-ın məlumatına görə, bu sözləri “İnter”in prezidenti Georgi Nikolov deyib.
“Bankirlər”in başqanı Peşəkar Futbol Liqasına (PFL) ilişərək, komandaların köhnə toplarla oynamağından narazı qaldığını bildirib.
Nikolov klubunun rəsmi saytında növbəti köşə yazısında Toşakın fikirlərinə haqq qazandıraraq, tennisdən misal gətirib: “Ola bilər ki, bilmirsiniz, ancaq peşəkar tennisdə hətta 1 oyunda toplar bir neçə dəfə dəyişdirilir. Bu, ilk dəfə oynanılan 9, sonradan 7 hissədən sonra olur. Və heç kim gileylənmir. Məsələ onda deyil. Tutaq ki, hər oyunda təxminən 10 top lazımdır. Hər top 100 manat dəyərindədir. Bu, o deməkdir ki, “əməliyyat” rəqəmlə 1 matçda 1000 manat edir. Bunu bütün çempionat üzrə balansını hesablasaq, 360 min manat edir. Bura kubok matçlarını, məşq üçün topları əlavə etsək, məbləğ 400 min manata kimi artır”.
Prezident PFL-nun bu qədər xərcə düşəcəyinə real saymır: “Doğrudanmı Con Toşak fikirləşir ki, PFL klublara bütün bunu pulsuz təqdim edəcək? Mən inanmıram. Bütün bu, peşəkar təmtəraqdır, klubların hamısının büdcə çantasında asılacaq. Kəsəsi, toplar qızıl qiymətindədir”.
