Topaz Premyer Liqasının 30-cu turu çərçivəsində keçirilmiş “Xəzər Lənkəran” – “Turan” matçından sonra komandaların baş məşqçiləri matçla bağlı fikirlərini bildiriblər.
Əfqan Talıbov, “Turan” klubunun baş məşqçisi: “Komandam yaxşı oynadı, futbolçulardan razıyam. “Xəzər Lənkəran”ın stadionunda bu cür ab-havada oynamaq çox xoşdur. İkinci hissədə qol imkanlarımız oldu, yararlana bilsəydik, bu oyunda xal qazana bilərdik, qalib də gələ bilərdik. Rəqibin oyununu təhlil etmişdik. Əsasən mərkəzdən oyun qurduqlarını bilirdik, ona görə bu zonadan hücum şansı yaratmadıq. Təəssüf ki, məğlub olduq”.
Con Toşak, “Xəzər Lənkəran” klubunun baş məşqçisi: “Heyətlə bağlı müəyyən çətinliyimiz var, 7-8 futbolçumuz zədə səbəbindən bu oyunda komandaya kömək edə bilmədi. “Turan” bu gün 1 xal da qazana bilərdi. Mövsümün sonunda futbolçuların yorğun olması da özünü göstərir”.
