Türkiyə Futbol Federasiyasının prezidenti Yıldırım Dəmirören NTV Spor kanalının qonağı olub.
Korner.az-ın məlumatına görə, Federasiya rəhbəri hər kəsi maraqlandıran bütün suallara cavab verib.
İlk olaraq Yıldırım Dəmirörən Türkiyə Super Liqasının son turunun "Kasımpaşa"-"Beşiktaş" matçında yaşanan hadisələrlə bağlı fikirlərini açıqlayıb:
"Bu matçda dünya tarixində yaşanan ilklər baş verdi. Futbolçuların azarkeşi təpikləməsi, oyunçunun ikinci topla hücumun qarşısını kəsməsi. Hakimlər dəyərləndirmələrində səhvlər etmiş ola bilər. Türkiyədə Klublar Birliyində, Federasiyada rəhbərlik etmiş bir şəxsəm. Mənim rəhbərliyimdə heç vaxt saxtakarlıq ola bilməz. Lazım olan nədirsə, onu da edəcəyik. Bu səhvlərdən dərs çıxartmalıyıq. Mən də klub rəhbəri olanda hakimlərdən çox nazarıçılıq eləmişdim. Federasiya prezidenti olanda hakimlərdən üzr istədim. Çox şeylər demişdim. İndi hamısına görə peşman olmuşam."
Federasiya rəhbəri daha sonra Droqba və Ebuenin cəzalanmaları barəsində açıqlama verib:
"Droqba və Ebueni təqdir elədim amma bizim mövqeyimiz bəllidir. İlk öncə bizdən icazə almalı idilər. Erkan Zengini də, rəhmətlik dostu üçün köynək geydiyinə görə, cəzalandırmışdıq. "Qalatasaray" UEFA-dan soruşdusa, niyə TFF-dən soruşmadı köynək mövzusunu? Bizdən icazə almadıqları üçün biz də cəzalandırdıq".
Türkiyə Futbol Federasiyası prezidenti son olaraq Türkiyə milli komandası üçün "Milli komanda" stadionu hazırlamaq istədiklərini bildirib:
"Olimpiyad Stadionu"nu balacalaşdırıb "Milli komanda" stadionu eləmək istəyirik. Bu proyekti nazirliklə də mükarizə elədik. Sağ olsunlar bizə dəstək oldular. Baş məşqçimizdə bu layihəni dəstəkləyir. Yaxın vaxtlarda bunu həyata keçirməyə çalışacağıq".
