Topaz Premyer Liqasının XXVII turu AZAL üçün uğurlu alınmadı.
Korner.az-ın məlumatına görə, Tərlan Əhmədovun rəhbərlik etdiyi komanda Zaqatalada "Simurq"a 0:1 hesabı ilə məğlub olub.
Oyundan sonra qonaqların baş məşqçisi bunları deyib:
"Hər iki komandanın ifasında mübarizəli oyun getdi. Futbolçulara demişdim ki, bu tip oyunlarda görüşün taleyini bir səhv həll edir. Rəqib şanslarından daha yaxşı yararlandı. Biz penaltini dəqiq yerinə yetirsəydik, hər şey fərqli ola bilərdi. Məğlubiyyətə görə günah məndədir. Yəqin ki, komandanı oyuna yaxşı kökləyə bilməmişəm. Futbolçuların mübarizəsindən razıyam. Bizim hələ ki, şansımız var. Çətin oyunlardan qalib ayrılıb, məqsədə çata bilərik. Oyunda verilən penalti qərarlarına gəlincə, bu barədə geniş danışmaq istəmirəm. Epizoda daha yaxın olan şəxs hakimdir. Onun işinə isə müvafiq qurumlar qiymət verir"
