Baçana Sxadadze “İnter”i tərk edə bilər.
Korner.az-ın məlumatına görə, gürcü hücumçu xarici klublardan təkliflər alıb.
Məlumata görə, Baçananın xidmətində İsrail və Polşa klubları maraqlıdı. Həmin klublar ona olduqca sərfəli müqavilə təklif edib. Üstəlik Sxadadzenin “İnter”lə müqaviləsi yayda başa çatır və “bankirlər”lə ona yeni anlaşma təklif etməyib.
Amma gürcü forvard mövsümün sonunadək heç bir klubla danışıqlar aparmaq niyyətində deyil. O, ilk öncə atası Kaxaber Sxadadzenin başçılıq etdiyi klubdan – “İnter”dən alacağı təklifi dəyərləndirəcək.
Qeyd edək ki, 2010-cu ildən “İnter”də çıxış edən Baçana cari mövsümdə Premyer Liqada 24 oyun keçirib və 9 qola imza atıb.
