Topaz Premyer Liqasının V-ci turunun statistik nəticələri açıqlanmışdır.
Korner.az-ın PFL-ya istinadən verdiyi məlumata görə, turun rəmzi yığması aşağıdakılardır:
Qapıçı: Cahangir Həsənzadə (AZAL)
Müdafiəçilər: Aleksandr Şemonayev (AZAL), Rəşad Sadıqov (Qarabağ), Oskars Klava (AZAL), Branislav Arsenyeviç (AZAL)
Yarımmüdafiəçilər: Ruslan Tağızadə (AZAL), Lorenzo Ebesilio (Qəbələ), Əfran İsmayılov (Bakı), Mindauqas Kalonas (Bakı)
Hücumçular: Rauf Əliyev (Bakı), Draqan Çeran (Simurq)
Bu turda oyun zamanı topa ən çox sahib olan komanda “Qarabağ”, ən çox hücum edən klub isə cənub təmsilçisi “Xəzər Lənkəran” olub. Ən çox oyundan kənar vəziyyətə düşən klub isə, Bakının “Rəvan” klubudur (9 dəfə). Təkbətək mübarizələrdə “Qəbələ” futbolçuları daha yaxşı nəticə göstəriblər. “Sumqayıt” klubu isə bu tur ən çox top itkisinə yol verən komandadır.
Turun ən yaxşı futbolçusu isə “Bakı”nın heyətində Ruf Əliyev olub. “Qarabağ”ın gənc müdafiəçisi Bədavi Hüseynov isə dəqiq ötürmələrin sayında fərqlənib. “Qəbələ”li Lorenzo Ebesilio ən çox driblinq edən, komanda yoldaşı Rail Məlikov isə rəqibdən ən çox top alan futbolçudur.
