Premyer Liqada işləri heç də yaxşı getməyən "Xəzər Lənkəran" 3 məşqçi ilə yollarını ayırması ilə bağlı xəbər vermişdik. Maraqlısı budur ki, həmin məşqçilərdən biri Zaur Ramazanov komandadan qovulmadığını bildirib.
Ramazanov Rekord.az-a açıqlamasında "Klubdan qovalanmışam deyəndə ki, köməkçi məşqçi kimi fəaliyyət göstərməyəcəm. Bundan sonra komandada əvvəlki işimdə çalışacam" – deyib.
Lakin dünən saytımızda klubun mətbuat xidmətinin rəhbəri Yalçın Əliyevin açıqlaması ilə Ramazanovun dedikləri üst-üstə düşmədi. Belə ki, Əliyev Ramazanovun komandadan tamamilə uzaqlaşdırılması haqda bizə məlumat versə də, Zaurun bugünkü açıqlaması yeni sualların yaranmasına yol açıb.
Məhz buna görə, klubun vitse-prezidenti Tuyqun Nadirovla əlaqə saxladıq. Klub rəsmisinin Korner.az-a verdyi açıqlamada bütün şübhələrə son verib:
"Yalçın Əliyev nə deyirsə, elədi. O, klub rəsmisidi və dedikləri yanlış informasiya olmaz. Bəli, Zaur Ramazanov komandadan tamamilə uzaqlaşdırılıb. Hörmət etdiyimiz məşqçilərdəndi. Ancaq onun işinə xitam vermişik".