Beynəlxalq Futbol Tarixi və Statistikaları Federasiyası (İFFHS) klubların yeni reytinq cədvəlini açıqlayıb.
Korner.az-ın məlumatına görə, ölkəmizi Avropa Liqasının qrup mərhələsində təmsil edən "Neftçi" 400 ən yaxşı klubun yer aldığı siyahıda növbəti dəfə irəliləyib.
"Ağ-qaralar" Avroliqanın qrup mərhələsinin ilk turunda səfərdə "Partizan"la etdiyi qolsuz heç-heçə komandamızın 46 pillə irləliləməsinə səbəb oldu. Hesabında 78 xalı olan "Neftçi" 259-cu pillədə qərarlaşıb.
"Flaqman"ın Avropa Liqasının qrup mərhələsindəki rəqiblərindən İtaliya “İnter”i 28-ci, Rusiya “Rubin”i 95-ci, Serbiya “Partizan”ı isə 105-cidir.
Siyahıya İpsniyanın "Barselona" klubu 343 xalla başçılıq edir. İkinci pillədə Çilinin “Universidad” (300 xal) klubu qərarlaşıb. İlk "üçlüyü" Argentina “Boka Xuniors”u 286 xalla qapayır.
