Türkiyə Superliqasında mübarizə aparan "Kayseri Ərciyəsspor"un 16 yaşlılardan ibarət komandasının 6 futbolçusunun narkotik maddə qəbul etdiyi iddia olunur.
Korner.az-ın məlumatına görə, həmin oyunçuların əvvəllər də narkotik qəbul etdikləri söylənilir.
İddialara əsasən, yaşları 18-dən aşağı olduğu üçün həmin futbolçuların adları gizli saxlanılır. Klub prezidenti Ziya Ərən isə söylənilənləri təkzib edərək, onların narkotik maddə deyil, siqaret çəkdiklərini və bu səbəbdən heyətdən uzaqlaşdırıldıqlarını söyləyib.
