Bu gün “Hilton” otelində AFFA-nın Klublar Komitəsinin növbəti iclası keçirilib.
Korner.az-ın məlumatına görə, Topaz Premyer Liqasında çıxış edən bütün klubların nümayəndəsinin iştirak etdiyi iclasda bir sıra məsələlər ətraflı müzakirə edilib.
Klublar Komitəsinin üzvlərinin dəvətinə uyğun olaraq, ayrı-ayrı məsələlərin müzakirəsi ilə bağlı AFFA-nın baş katibi Elxan Məmmədov, Oyunçuların Statusu və Transferi Komitəsinin sədri Rəmiş Malıyev və Lisenziyalaşdırma Qrupunun rəhbəri Elçin Məmmədov iclasda iştirak edib, Klublar Komitəsinin üzvlərinin müvafiq suallarını cavablandırıblar.