Sloveniyada təlim-məşq proseslərini davam etdirən “Simurq”un yoxlama görüşlərindəki bütün rəqiblərinin adlarına aydınlıq gəlib.
Korner.az-ın məlumatına görə, “Simurq” sabah ilk yoxlama oyununu ötən mövsüm Sloveniyanın I dəstəsini III kimi başa vurmuş “Aluminiy”ə qarşı keçirəcək.
İyulun 9-dakı rəqib isə Makedoniyanın “Vardar” klubu olacaq. Skopyelilər ölkəsində son mövsümü V pillədə tamamlayıb. “Simurq”un növbəti rəqibi isə Xorvatiya 5-cisidir. Zaqatalalılar iyulun 12-də Zaqreb “Lokomotiva”sı ilə gücünü sınayacaq.
