.jpg)
"Simurq” Peşəkar Futbol Klubu artıq rəsmi fan klubunu yaratmaq üçün işlərə başlayıb. Korner.az-ın məlumatına görə, komanda rəhbərliyi tərəfindən səfər oyunlarına gediş-gəlişi təmin edilən azərkeşlərə, daha bir hədiyyə hazırlanıb. Onlara klubun simvolik rənglərindən ibarət köynəklər paylanılacaq.
Qeyd edək ki, bu zaqatalalı futbol azərkeşlərinə komandanın ilk hədiyyəsi olmayacaq. Qarşıda onların stadionlara daha çox gəlib, komandamızı fəal dəstəkləməsi üçün geniş kompaniyalar təşkil olunacaq. Bununla bağlı klubun rəsmi saytına açıqlama verən icraçı direktor Vaqif Əliyev qarşıdakı işlər haqqında bunları deyib:
“Bu “Simurq”dan tarixində bir ilkdir. Bildiyiniz kimi rəsmi fan klubumuzun yaradılması üçün işlərimizi davam etdirik. Klub prezidenti Anar Bəkirov da bu işlə yaxından maraqlanır. Rəsmi fan klubumuz fəaliyyət başladıqdan sonra onlar üçün daha geniş çeşidli atributlar hazırlayacayıq. Bu bizim ilk işimiz oldu. Qarşıda isə onlara daha keyfiyyətli və maraqli hədiyyələr təqdim edəcəyik. Biz də onlardan komandamıza dəstək verməyə, “Simurq”u qələbəyə səsləməyə çağırırıq”.
