“Simurq” – “Qarabağ” matçının vaxtı dəyişdirildi

Azərbaycan Premyer Liqasının XIV turunda keçiriləcək “Simurq” – “Qarabağ” matçının vaxtı dəyişdirilib. 

Korner.az-ın PFL-in rəsmi saytına istinadən verdiyi məlumata görə, oyun əvvəlcədən nəzərdə tutulduğu kimi noyabrın 29-da deyil, noyabrın 30-da keçiriləcək. 

Dəyişikliyə “Qarabağ”ın noyabrın 27-də Avropa Liqasının qrup mərhələsinin V turunda Fransada “Sent Etyen”lə qarşılaşması səbəb olub.