"Sector 11" Azad Azarkeş qrupunun rəsmi internet saytı artıq öz fəaliyyətinə başlayıb.
Qrupun rəhbəri Elnur Şərifli Korner.az-a verdiyi açıqlamada saytın yaranma səbəblərindən və məqsədlərindən danışıb:
"Saytı çoxdan yaratmağı planlaşdırırdıq. Sadəcə olaraq buna imkan və vaxt tapa bilmədiyimizdən həmişə yubanırdı və istəmirdik ki, saytın özü sadə olsun. Onun üçün saytın dizaynını xüsusi incəliklə işlədik və sonunda da gözlədiyimiz kimi alındı. Saytımız vasitəsiylə bizə üzv olmaq istəyən əsl azarkeşlər online olaraq üzvlük anketini doldurub bizə qoşula bilərlər. Bu seçim həm bizim üçün, həm də üzv olmaq istəyənlər üçün daha asan yoldur. Bundan belə bütün son xəbərləri rəsmi səhifəmizdə yerləşdircəyik və daim Azərbaycanda ilkləri edən bir qrup olaraq fəalliyətimizi daha da güclü davam etdirəcəyik. İnşAllah bu yay avrokuboklarda həmişəki kimi "Sector 11" olaraq komandalarımıza dəstək verməyə davam edəcəyik və tribunalarda xüsusi şoular hazırlayacağıq.
