“Vaqif Sadıqovun istefaya göndərilməsi komandaya pis təsir edib”.
Korner.az-ın məlumatına görə, bu sözləri “Neftçi” ilə oyundan sonra AZAL-ın çalışdırıcısı Şakir Qəribov deyib.
Qəribov Vaqif Sadıqovun istefaya göndərilməsindən şikayətlənib: “Azərbaycandan başqa dünyanın heç bir ölkəsində baş məşqçini oyuna bir gün qalmış işdən çıxarmırlar. Klublarımız bu hərəkəti yerli məşqçilərə edirlər, çünki, öz məşqçilərimiz müqavilə imzalamır. Əcnəbi məşqçilərlə isə müqavilə bağlayırlar və bir surəti FİFA-ya göndərilir. Ona görə də onları asanlıqla işdən çıxara bilmirlər. AZAL rəhbərliyinin vaxtında çox səhvi olub, komanda indi o səhvlərin acısını yaşayır. Vaqif müəllimlə gəlmişdim, onunla da gedirəm. Sadəcə bu gün komandanı meydana çıxaracaq adam olmadı deyə burdayam. Yəqin ki, bu, AZAL-dakı son oyunum idi”.
