"Desəm ki, "maraqlı oyun oldu", yalan olar. Baş məşqçi dəyişikliyi rəqibin oyununa təsir etmişdi".
Korner.az-ın məlumatına görə, bu sözləri AZAL-ı 2-1 hesabı ilə məğlub edən "Neftçi"nin baş məşqçisi Böyükağa Hacıyev deyib.
Təcrübəli mütəxəssis bunları da dilə gətirib: "Bu gün bir komanda hücum etdi, medafiə olundu. Vaqif Sadıqovun vaxtında AZAL daha baxımlı oynayırdı. Rəşad Sadiqovun problemi var, ona görə də ona istirahət vermişik. Neçə ildir ki, çempion oluruq, kubok qazanırıq, Avroliqada qruplara düşmüşük, qoy başqaları da bunları dada bilsin də. Dədəmizin adına yazılmayıb ki".