Futbol

Sadıq Sadıqov: “Bizə Emil Mpenza kimi brendlər lazım deyil”

18.05.2012 , 06:00

"Əgər "Neftçi" Çempionlar Liqasında mərhələ keçmək istəyirsə mütləq transferlər olmalıdı və bunun üçün də səviyyəli futbolçuları komandaya cəlb etməyə çalışacağıq. Hər yoldan keçən futbolçu "Neftçi"yə dəvət olunmayacaq". Bu sözləri Korner.az-a açıqlamasında "Neftçi" klubunun prezidenti Sadıq Sadıqov deyib.

O, bildirib ki "Neftçi"nin adı ilə yanaşı hallanan bəzi futbolçularln transferi sadəcə uydurmadı:

""İnter"dən futbolçu transfer edəcəyimiz haqda yayılan informasiyalar sırf yalandı. Ukrayna, Boliviya və Bolqarıstandan futbolçu transfer edəcəyik. Hal-hazırda da danışıqlar gedir. İstəyirik ki, az maliyyə vəsaiti xərcləməklə səviyyəli legioner gətirək. Həmin səviyyəli legionerdə bizə Çempionlar Liqasında kömək edə bilsin ki, ən azından "Qarabağ"ın avrokuboklarda göstərdiyi nəticəyə biz də nail olaq. Bizə Emil Mpenza kimi brendlər lazım deyil". 

Hansı mövqelərə futbolçu transferi gözlənilir sualına Sadıq Sadıqovun cavabı belə oldu:

"Gördüyünüz kimi də bugünkü məğlubiyyətimizin səbəbi  Bahodir Nasimovun zədəli olması oldu. Mən bü gün hiss etdim ki, Bahodir komandanın yarısı deməkdir".

Səxavət QURBANOV

Son yazılar

Yuxarı