“Matç təkcə mənim üçün yox, bütün komanda üçün uğurlu alındı. “Oyunda sürət var idi, yaxşı oynadıq. Sevinirəm ki, qələbə qazana bildik”.
Korner.az-ın məlumatına görə, bu sözləri “Neftçi”nin hücumçusu Ruslan Qurbanov Ukraynanın “Volın” klubuna 4:3 hesabı ilə qalib gəldikləri yoxlama matçından sonra klubun rəsmi saytına deyib.
O, ideal formanı yığmağa başladıqlarını bildirib:
“Cəmi bir yoxlama görüşümüz qalıb, daha sonra çempionata hazırlıq başlayır. Günbəgün ideal formanı yığırıq. Ümid edirəm ki, mövsümün ikinci hissəsinə yaxşı başlayacağıq, özümüzü yaxşı tərəfdən göstərəcəyik”.