Dekabrın 12-də Fransada keçiriləcək Avro-2016-nın püşkatma mərasimində Rusiya və Türkiyə milli komandalarının eyni, yaxud fərqli səbətlərə salınacağı dəqiqləşib.
Korner.az-ın məlumatına görə, bu barədə UEFA-nın mətbuat xidməti açıqlama yayıb.
Açıqlamada bildirilir ki, Avro-2016-nın, həmçinin dekabrın 14-də baş tutacaq Çempionlar Liqasının 1/8 və Avroliqanın 1/16 final mərhələsinin püşkatmalarında türk və rus komandaları eyni səbətlərə salınmayacaq: “Dekabrın 14-də keçiriləcək püşkatmada Rusiya və Ukrayna klubları bir qrupa salınmayacaqlar. Ancaq Rusiya və Türkiyə klublarının fərqli qruplara salınması nəzərdə tutulmur. Avro-2016-nın püşkatmasına gəlincə, burada da Rusiya və Ukrayna yığmalarının eyni qrupda yer almasına imkan verilməyəcək”.