"Rubin"də işləri qaydasında getməyən və bugünlərdə "Levante"yə transfer olunan Obafemi Martins Kazan klubuna keçməyə razılıq verməsinin səhv addım olduğunu deyib.
Korner.az-ın İspaniyanın "Marka" nəşrinə istinadən məlumatına görə, nigeriyalı futbolçu "Levante"nin tam istədiyi klub olduğunu bildirib.
"Levante" mənim ambisiyalarıma uyğun klubdu. "Rubin"də heç nə alınmadı və indi başa düşürəm ki, gərək o kluba keçməyəydim", – deyə Martins qeyd edib.
Martins "Neftçi"nin Avropa Liqasının qrup mərhələsindəki rəqibinə 2010-cu ildə transfer edilmiş, 35 oyunda meydana çıxmış və 5 qol vurmuşdu.
