Fransa millisinin keçmiş üzvü Zinəddin Zidan "Real"da tutduğu postdan ayrılıb.
Korner.az-ın məlumatına görə, Əlcəzair əsilli yarımmüdafiəçi Madrid klubunun idman direktoru vəzifəsindən getməsinin baş məşqçi Joze Maurinyoyla heç bir əlaqəsinin olmadığını deyib.
Zidan bildirib ki, gedişinə səbəb özünü məşqçi kimi sınamaq istəyindən irəli gəlir: "Mən "Real"da çox şey öyrəndim. Böyük klubun nə demək olduğunu burada anladım. Artıq hər gün meydanda olmağın vaxtıdı. Ona görə də qərara gəldim ki, Fransaya qayıdıb məşqçi diplomu alım və yaxşı mütəxəssis olum. Mənim Maurinyoyla heç bir münaqişəm olmayıb. Əksinə, bizim əla münasibətlərimiz var. Ondan çox şey öyrənə bildim".