Portuqaliya millisinin forvardı Kriştianu Ronaldo DÇ-2014-üç seçmə mərhələsi çərçivəsində Şimali İrlandiya yığmasıyla oyunda (4:2) het-trik edib.
Korner.az-ın məlumatına görə, matçın 65, 77 və 83-cü dəqiqələrində rəqib qapısına yol tapan Ronaldo bununla da milli komandada vurduğu qolların sayını 43-ə çatdırıb.
O bu göstəricidə ikinci olan Eysebionu (41 qol) qabaqlayıb. Portuqaliya millisinin forması altında ən çox qol vuran isə Pedro pauletadı. Pauletanın aktivində 47 top var.
Qeyd edək ki, bu, həm də Ronaldonun yığma komandadakı ilk het-trikidi.