Bu gün 2020-ci ildə keçiriləcək Yay Olimpiya oyunlarının təşkilatçısının adı bəlli olacaq.
Korner.az-ın məlumatına görə, Beynəlxalq Olimpiya Komitəsinə (BOK) üzv olan 113 ölkə Madrid, Tokio və İstanbul arasında seçim edəcək.
97 səs toplayacaq şəhər təşkilatçı kimi təsdiqlənəcək. Argentinanın paytaxtı Buenos Ayresdə keçiriləcək səsvermə Bakı vaxtı ilə saat 23.00-da başlayacaq. Bunadək isə namizəd şəhərlərin təqdimatı olacaq. Hər şəhərin təqdimatına 1 saat vaxt nəzərdə tutulub. İlk təqdim olunacaq şəhər İstanbuldu. Əvvəlcə səsvermənin birinci turu keçiriləcək. Ən çox səs toplamış namizəd şəhərlər ikinci tura adlayacaq. Bakı vaxtı ilə saat 01.00-da isə həmin iki şəhərdən hansının qalib olduğunun açıqlanacağı final səsvermə olacaq.
Qeyd edək ki, Olimpiada-2020-ni keçirməyə namizədlər arasında Bakı da var idi, ancaq BOK-un ötən il keçirilən toplantısında geniş miqyaslı idman yarışmaları təcrübəsinin olmaması səbədilə paytaxtımızın adı namizədlər siyahısından çıxarılmışdı.
Şəhərlərin təqdimat videosunu diqqətinizə çatdırırıq.
