İspaniya La Liqasının 29-cu turunda “Real”ın “Qranada”nı darmadağın etdiyi oyun (9:1) Madrid təmsilçisinin hücumçusu Kriştiano Ronaldo üçün əlamətdar olub.
Korner.az-ın məlumatına görə, həmin oyunda karyerasının ilk penta-trikinə imza atan portuqaliyalı futbolçu eyni zamanda yubliyev qolunu vurub.
“Kral klubu”nun heyətində 287-ci oyununa çıxan Ronaldo 300-cü qoluna imza atıb. Bu qolların 214-ü La Liqa, 60-ı Çempionlar Liqası, 21-i İspaniya kuboku, 3-ü ölkə superkuboku və 2-si də UEFA superkubokuna təsadüf edib.