Qış fasiləsinin son günlərində “Qalatasaray”la müqaviləsini pozan Albert Rieranın yeni iş yeri müəyyənləşib.
Korner.az-ın məlumatına görə, ispan futbolçu karyerasını vətənində davam etdirəcək.
Belə ki, Riera “Deportivo” ilə anlaşıb. Bir müddət əvvəl Ukraynanın “Metallist” (Xarkov) klubu ilə danışıqlar aparan, amma bu ölkədə çempionat dayandığından keçidi alınmayan futbolçu İspaniyaya dönməyə məcbur olub. İkinci liqada çıxış edən “Deportivo”nun baş məşqçisi Fernando Vazkuez “Malyorka”nı çalışdırdığı dönəmdə rəhbərliyi altında oynamış Rieranın alınmasını istəyib. Tərəflər arasında danışıqlar qısa sürüb və razılıq əldə olunub.