Madrid “Real”ının yarımmüdafiəçisi Xames Rodrigesin tvitter səhifəsində oranqutanla paylaşdığı fotosu qalmaqala səbəb olub.
Korner.az-ın məlumatına görə, onun bu paylaşımını “re-post” edən bir azarkeş “Xamesin Neymarla çəkdirdiyi bu fotosu xoşuma gəlir” – yazıb.
Bu ifadələrdə rasizm əlamətinin olduğunu düşünən həm Neymarın fanatları, həm də braziliyalı azarkeşlər həmin şəxsin ünvanına təhqirlər yağdırmağa başlayıblar. Az sonra “Kral klubu”nun azarkeşinin bu paylaşımı silinib və o, üzr istəyib: “Heç vaxt bu qədər təhqir edilməmişdim. Bu sözlərimin braziliyalılar tərəfindən belə qəbul ediləcəyini güman etmirdim. üzr istəyirəm. Mən sadəcə zarafat etmək istəmişdim”.