“Real”ın (Madrid) əfsanəvi futbolçusu olmuş Alfredo di Stefano dünyasını dəyişib. Korner.az-ın məlumatına görə, 88 yaşlı di Stefano ötən gün infarkt keçirib və həyatını xilas etmək mümkün olmayıb.
Mərhum 1950-1960-cı illərdə “Real”ın heyətində 282 matça çıxıb və 216 qol vurub. Buenos-Ayresdə doğulan futbolçu Argentina, Kolumbiya və İspaniya millilərinin şərəfini qoruyub. O, iki dəfə Argentina, üç dəfə Kolumbiya və səkkiz dəfə İspaniya çempionudur.
Qeyd edək ki, Alfredo di Stefano, 2000-ci ildən “Real”ın, 2008-ci ildən isə həm də UEFA-nın fəxri prezidentidir.
