Azərbaycanlı futbolçu Rəhman Hacıyev Türkiyənin PTT 1-ci liqa klublarından "Qaziantep Böyükşəhər Bələdiyyəspor"a keçib.
Korner.az xəbər verir ki, "Bakı" klubunun heyətində oynayan 21 yaşlı futbolçu ilə 1 illik müqavilə imzalanıb.
"Qaziantep B.B."nin mətbuat katibi İbrahim Açıqgöz transfer haqqında öz fikirlərini bildirib: "Rəhman 21 yaşındadır və öz ölkəsinin də milli komandasında oynayır. Gələcəkdə də komandamıza çox faydalı olacaq deyə düşünürəm".
Qeyd edək ki, Türkiyə təmsilçisi bir müddət öncə daha bir azərbaycanlı futbolçu Vaqif Cavadovu rənglərinə bağlamışdı.
