“Real” Mbappenin transferini nə vaxt açıqlayacaq?
26.04.2024 , 21:08
“Real” Mbappenin təqdimatı üçün hazırlıqlara başlayıb.
Korner.az xəbər verir ki, bu barədə AS məlumat yayıb.
Xəbərdə, Madrid klubunun Mbappenin transfer elanı və təqdimatı üçün 3 fərqli planı nəzərdən keçirdiyi bildirilir.
25 yaşlı ulduz üçün “Real”ın planı belədir;
-Çempionlar Liqasının finalından sonra (1 iyun) transferin elan edilməsi və Avropa çempionatından əvvəl (14 iyun) Mbappenin təqdimatı
-Transfer elanı mövsümün sonunda veriləcək və təqdimat daha sonra olacaq.
-Transferi açıqlamaq və Mbappeni tanıtmaq üçün futbol üzrə Avropa çempionatının bitməsini gözləmək (14 iyul)
PSJ ilə müqaviləsi mövsümün sonunda başa çatacaq Kilian Mbappe bu mövsüm Fransa təmsilçisinin heyətində 43 matçda 43 qol vurub, 10 məhsuldar ötürmə edib.
