"Böyük oyun"da qalmaqal, gərginlik, dava-dalaş normal haldı. Bütün çempionatlarda derbi oyunları zamanı bu cür olaylar baş verir. Eləcə də, Lənkəranda bu baş verdi. Ora nə qədər polis, əsgər qoyursan qoy, yenə dava-dalaş olacaq. Çünki bu prinsipial oyundu".
Bu sözləri Korner.az-a açıqlamasında PFL-in rəhbəri Ramin Musayev deyib.
Qrum başçısı "Böyük oyun"dakı hakimlikdən və hər iki tərəfin narazı qaldığı matç haqda bunları dedi:
"Fariz Yusifov penalti epizodunu düzgün dəyərləndirdi. Əvvəlcə "Xəzə Lənkəran" tərəfi dedi ki, penalti yoxdu. Daha sonra bunu etiraf etdilər. Qaldı ki, Flavinyonun sarı aldığı epizoda gincə isə, nə mən, nə də sən hakim deyilik. Yusifov həmin epizodu elə görüb və elə də, qərar verib. Düzdü mən həmin epizodun təkrarına baxmamışam ancaq deyə bilərəm ki, hakim oyunu yüksək səviyyədə idarə etdi".
R.Musayev "İnter" – AZAL oyununda Fariz Yusifovun və "Neftçi" – "Rəvan" matçında Anar Salmanovun vermədiyi penaltiləri belə dəyərləndirib:
"Farizin iadrə etdiyi "İnter" – AZAL oyununda səhv yan xətt hakimində olub. Anar Salmanovun "Neftçi"nin qapısına vermədiyi penalti isə, düzgün qərardı. Çünki həmin epizodda penalti yox idi. Anar Salmanov qovulan hakimlərdən artıq deyil. Oyunun nəticəsinə təsir edə biləcək hər kəs cəzalanacaq. Ancaq bu epizodlarda hakimlər düzgün qərar vermişdi".
Səxavət QURBANOV
