"Hazırda əsasən fiziki göstəricilərimizi yaxşılaşdırmaq istiqamətində məşqlər edirik. Hər kəs məşqlərə ciddi və məsuliyyətlə yanaşır. Çalışırıq ki, məşqçilərimizin verilən tapşırıqları hərtərəfli yerinə yetirək".
Korner.az-ın məlumatına görə, bu sözləri "Neftçi"nin futbolçusu Rail Məlikov deyib. "Ağ qaralar"ın kapitanı klubun rəsmi saytına açıqlamasında hazırlıq prosesini dəyərləndirib. Müdafiəçi "Neftçi"nin Çempionlar Liqasında uğurlu çıxış edəcəyinə inandığını söyləyib:
"Qarşıda bizi Avropanın ən nüfuzlu klub turnirində çıxış gözləyir. Ölkəmizi bu yarışda layiqincə təmsil edəcəyimizə inanıram".
