.jpg)
"Rəvan” Premyer Liqanın təsnifat mərhələsinin sonuncu – XXII tur matçına hazırlıqlara start verib.
Korner.az-ın məlumatına görə, paytaxt klubu "Xəzər Lənkəran”a qarşı keçirdiyi ölkə kubokunun ilk 1/4 final oyunundan sonra artıq diqqəti "Bakı” ilə görüşə yönəldib.
Kubok oyunundan sonrakı günü istirahət edən komanda üzvləri bu gündən çalışmalara başlayıb. Ənənəvi olaraq "Bayıl Arena”da baş tutan hazırlıqda futbolçular isinmə hərəkətləri yerinə yetirəndən sonra "kvadratlar” üzərində çalışıb, meydanın yarı hissəsində ikitərəfli mini-oyunda qüvvələrini sınayıblar.
Məşqi qapıya zərbələr üzərində işləməklə bitirən komandada zədə ilə bağlı ciddi problem yoxdu. "Bakı” ilə oyunda Miloş Adamoviç cəzalı olduğuna görə oynaya bilməyəcək. Əvəzində Samuel Barlay və Nuran Qurbanovun cəzaları bitib və baş məşqçi Ramil Əliyev bu futbolçuların xidmətindən yararlana biləcək.
XXII turun "Bakı” – "Rəvan” oyunun martın 3-də rəqibin təlim-məşq bazasının stadionunda keçiriləcək. Görüş 15:00-da başlayacaq. Matç "İdman Azərbaycan” telekanalı vasitəsi ilə canlı yayımlanacaq. – See more at: http://futbolpress.az/v2/news-details/25812/#sthash.wW7TNNqP.dpuf
