Topaz Premyer Liqasının 25-citurunda “Rəvan” “Sumqayıt” üzərində 3-0 hesablı qələbə qazandı.
Korner.az oyundan sonra keçirilən mətbuat konfransında hər iki klubun baş məşqçilərinin səsləndirdiyi fikirlərlə sizi tanış edir.
Bernhard Raab “Sumqayıt” klubunun baş məşqçisi: “Oyuna baxdıqda, “Rəvan” bu gün qələbəyə layiq idi. İlk hissədə üstünlüyə sahib idi və qol vurdu. İkinci hissədə penaltidən istifadə etsəydik, oyunda dönüş yarada bilərdik. İkinci hissənin 25-30 dəqiqəsi komandamız daha yaxşı oynadı. Lakin heyətlə bağlı müəyyən problemlərimiz var. 4-5 futbolçu lazımi formada olmadığı üçün oyunda məğlub olduq. Bundan öncəki oyunda penaltidən fərqlənib qələbə qazanmışdıq. Futbolçular bəzən çox mürəkkəb oynayır”.
Ramil Əliyev “Rəvan” klubunun baş məşqçisi: “Bilirdik ki, rəqib yaxşı oyun göstəri, bu oyuna ciddi hazırlaşmışdıq. Oyunda inamlı qələbə qazandıq.İkinci hissədə “Sumqayıt”ın qol vurmaq üçün imkanları var idi. Əvəzetmələrin hesabına oyunda dəyişiklik etdik, iki top vurduq. Əks-hücumda daha çox qol epizodu yaratdıq. Ümumilikdə oyundan razıyam, komandaya təşəkkür edirəm. Oyuna əvvəlkindən fərqli sistemlə çıxmışdıq. Bunun nəticəsi idi ki, xəttlər arasında anlaşılmazlıq var idi. Qarşıdakı oyunlarda da bu taktiki sxemdən istifadə edəcəyik”.
