“Avropa Liqasında qrupa düşməklə istəyimizə nail olduq. Bu mərhələdə çox güclü və məşhur klublarla qarşılaşacağıq”.
Korner.az-ın UEFA-nın rəsmi saytına istinadən verdiyi məlumata görə, bu sözləri “Qəbələ”nin futbolçusu Aleksey Antonov Avropa Liqasının qrup mərhələsinin püşkünü dəyərləndirərkən deyib.
Ukraynalı futbolçu hər üç rəqiblərinin təhlükəli olduğunu bildirib: “Bizi qarşıda 6 maraqlı oyun gözləyir. Həmin görüşlərin hamısı bizim üçün eynidir. Yəni, bütün qarşılaşmalar önəmlidir. Rəqiblərimizin hər üçü təhlükəlidir və onların hər birinə hörmətlə yanaşırıq”.
Qeyd edək ki, C qrupunda mübarizə aparacaq “Qəbələ” “Borussiya” (Almaniya), PAOK (Yunanıstan) və “Krasnodar” (Rusiya) klubları ilə qarşılaşacaq. (Qol.Az)
