“Bavariya” klubunun baş məşqçisi Pep Qvardiola Çempionlar Liqasının 1/8 finalında bu axşam qarşılaşacaqları “Arsenal”la oyunöncəsi maraqlı fikirlər səsləndirib.
Korner.az-ın məlumatına görə, Almaniya mətbuatına danışan ispaniyalı mütəxəssis axşamkı görüşdə rəqiblərini topdan məhrum etməli olduqlarını bildirib:
“Arsenal” yaxşı təşkilatlanmış komandadır. Rəqibimizin heyətində yüksək səviyyəli futbolçular çıxış edir. Əgər topu “Arsenal”a versək, bizim üçün çətin olacaq. Bu səbəbdən rəqibi topdan məhrum etməliyik. Belə oyunlarda taktika, fiziki və psixoloji hazırlıq böyük önəm daşıyır. Qalib gəlmək istəyiriksə, meydanda var-gücümüzü qoymalıyıq”.
Qeyd edək ki, “Arsenal” – “Bavariya” oyunu bu axşam, Bakı vaxtı ilə saat 23:45-də başlayacaq.
