Sabah “Bakı” Topaz Premyer Liqasının 22-ci turu çərçivəsində səfərdə “Xəzər Lənkəran”la qarşılaşacaq. Bu gün isə komanda oyunöncəsi son məşqini keçirib.
Korner.az-ın məlumatına görə, Saat 11:20-də başlayan hazırlığa yüngül qaçışla start verilib. Ardından müxtəlif isinmə və dartınma hərəkətləri icra olunub. Vacib görüş ərəfəsində yetirmələrini çox yormayan baş məşqçi Milinko Pantiç ardından “kvadrat” oynamaq tapşırığı verib. Sonda isə futbolçular ikitərəfli oyunda sınanıb.
Qeyd edək ki, zədəsini sağaltmaqla məşğul olan Şəhriyar Əliyev yüngül qaçışla kifayətlənib.