Avropa Liqasının pley-off mərhələsində "Qarabağ" doğma meydanda "Ayntraxt"a məğlub olub.
Korner.az-ın məlumatına görə, “Ağdam” təmsilçisinin baş məşqçisi Qurban Qurbanov oyundan sonra təşkil olunan mətbuat konfransında səfər qarşılaşmasında daha sərbəst oynayacaqlarını bildirib:
"Maksimum gücümüzü sərf etdik ki, azarkeşləri sevindirək. Sağ olsunlar, stadionu doldurdular. Çox yaxşı rəqibə qarşı oynadıq. Bu cür rəqiblərin Bakıya gəlməsi hamımız üçün müsbət haldı. ilk qol gözlənilmeə oldu. Əvvəldən hazırlaşmışdıq ki, rəqibə cinah asmaları verməyə imkan yaratmayaq. Təəssüf ki, gözləmədiyimiz halda ilk qolu o cür epizoddan buraxdıq. Biz indi-indi belə rəqiblərə qarşı oynamağa başlamışıq. Səfərdə daha sərbəst oynayacağıq.
Bir çox qol epizodlarınından istifadə edə bilmədiklərini vurğulayan Qurbanov Almaniya futbolunun bizim futboldan üstün olduğunu bildirib:
"Start heyətə daxil etmişdik. ikinci qoldan evvel bir neçe qol epizodumuz oldu, yararlana bilmədik. Ümumiyyətlə, texniki səhvlərimiz çox oldu. Rəqib Bundesliqada, biz isə Azərbaycan çempionatında… İki-üç il əvvəl “Borussiya” ilə oynamışdıq. Amma onların çempionatı daha sürətli inkişaf edir. Biz 1 addım irəliləyiriksə, onlar 10, 50 addım irəliləyir.
Təcrübəli baş məşqçi Reynaldonun yoxluğunun oyunlarına təsir etdiyini də qeyd edib:
Leroy texniki səhvler buraxa bilər, ancaq məncə, bu gün ən çox qaçan futbolçularımızdan idi. Reynaldonun yoxluğu komandamızın sürətinin aşağı düşməsi deməkdi. Təbii, belə oyunda onun yoxluğu hiss olunurdu. Özümüzü aldatmayaq, başqa rəqib olsa, ümid etmək olardı, amma rəqib “Ayntraxt”dı.
