Qurban Qurbanov: “Musanın milliyə çağırılması gözlənilməz oldu”
08.11.2020 , 18:42
Azərbaycan Premyer Liqasında IX turun “Neftçi” – “Qarabağ” (0:6) oyunundan sonra keçirilən mətbuat konfransında qonaq komandanın baş məşqçisi Qurban Qurbanov jurnalistlərin suallarını cavablandırıb.
Korner.az-ın məlumatına görə, mütəxəssis əvvəlcə matç barədə fikirlərini bildirib.
– Başda cənab prezidentimiz olmaqla hamını təbrik edirəm. Neçə gün idi sevindirici xəbərlər var idi, bu gün tam əminliklə Şuşanın alındığını deyə bilirik. Bütün torpamqlarımız doğmadı, amma həqiqətən də, hmımızın qəlbində Şuşanın yeri başqadı. Buna görə çox sevinirəm. Oyndan çox danışmağa ehtiyac yoxdu. Bəzən futbolda belə olur: bir komandada hər şey alınır, digərində yox. Bizim də başımıza belə hallar gəlib. “Neftçi”yə uğurlar arzulayıram. Futbolçularımı isə təbrik edirəm. Futbolçular bu oyun bitdikdən sonra istirahət etməyi çox istəyirdi. Bəzi futbolçularımız milli komandaya gedəcək. Yığmaya uğurlar arzulayırm. Bu qələbə ilə 1-ci pilləyə yüksəldik. Çempionat başlayandan bunu gözləyirdik.
– Musa Qurbanlı ilk qolunu vurdu. Onun gələcək perspektivi haqqında nə deyə bilərsiz?
– Milliyə dəvət alması mənim üçün gözlənilməz oldu. Ancaq sevindirici haldı ki, yığmada gənclərə diqqət ayırırlar. Dəvət alması o demək deyil ki, tam layiqdi. Amma ab-havanı hiss edəcək, məsuliyyəti dərk edəcək. Bu, gənc futbolçular üçün çox vacibdi. Gənc oyunçularımız üzərlərində həddən artıq çox işləməlidilər. Oğlumdu deyə, haqqında çox danışmayacam. Həm o, həm də digər gənc futbolçular çox çalışmalıdı. Futbolçularımızı bir-birindən ayırmıram. Gənclərimizin hamısını övladım kimi görürəm. Gənclərin milliyə çağırılması onların inkişafının sürətlənməsi deməkdi. Buna görə çox sevinirəm.
