Qurban Qurbanov: “Biz onu komandada saxlayacağıq”

Antalya toplanışını başa vurub vətənə dönən "Qarabağ" daha bir futbolçunu heyətinə qatıb.

Korner.az–ın məlumatına görə, Qurban Qurbanov Ağdam təmsilçisinin əvəzedici komandasından Toğrul Bilalını komandanın əsas heyətinə götürüb.

Ağdam klubunun çalışdırıcısı saytımıza verdiyi açıqlamada Toğrulu bəyəndiyini bildirib:

"Toğrul hələ gəncdir. O, yaxşı oyunçudur. Antalyada da özünü yaxşı tərəfdən göstərə bildi. Biz onu komandada saxlayacıyıq. Onun böyük potensialı var"