2014-cü il arxada qalsa da geridə buraxdığımız illə bağlı tədbirlər davam edir.
Azərbaycan Respublikasının Gənclər və İdman nazirliyi və nəzdindəki “Sportsman” jurnalının təsis etdiyi “Zəfər” yüksək idman nailiyyətləri layihəsində ötən ildə fəqlənənləri təltif ediblər.
Korner.az-ın məlumatına görə, ötən il Azərbaycan çempionu olan, Avrokubokda olduqca uğurlu çıxış edən “Qarabağ” da 2 nominasiyada fərqlənib. Artıq, 10 ildən çoxdur “Qarabağ” Futbol klubunun vitse-prezidenti olan, `”Qarabağ” FK-nın formalaşmasında qurduğu stategiya ilə böyük rol oynayan cənab Tahir Gözəl Azərbaycan futbolunun inkişafındakı xidmətlərinə görə təltif olunub.
“Qarabağ” tədbirdə daha bir mükafat alıb. Qeyd etdiyimiz kimi klubun geridə buraxdığımız ildə bir sıra müvəffəqiyyətlər əldə etməsi nəticəsiz qalmayıb. “Qarabağ” Futbol Klubu qurum tərəfindən İlin idman klubu mükafatını alıb.
