Bu gün AFFA İntizam Komitəsinin iclası keçirilib.
Korner.az-ın məıumatına görə, iclasda Azərbaycan kubokunun 1/2 final mərhələsinin oyunlarındakı hadisələrlə bağlı qərar verilib.
“Neftçi” – “Qarabağ” matçının 48-ci dəqiqəsində qonaq komandanın azarkeşləri tərəfindən meydançaya kənar əşya atıldığı üçün klub 2000 manat cərimə olunub. Hər iki klubun azarkeşləri tərəfindən stadionun oturacaqları sındırıldığı üçün “Bakcell Arena” stadionunun rəhbərliyinin dəymiş zərərə uyğun olaraq klublara təqdim edəcəyi hesab əsasında ödəmə edəcəklər.
Hakimlərin idarəçiliyinə Hakimlər Komitəsində baxılması və İntizam Komitəsinə məlumat verilməsi tapşırılıb.
“Bakı” – “Xəzər Lənkəran” matçının 86-cı dəqiqəsində “Xəzər Lənkəran” klubunun azarkeşləri tərəfindən meydançaya kənar əşya atıldığı üçün klub 2000 manat cərimə olunub.
