“Qarabağ” – “Neftçi”: biletlər satışda
16.05.2022 , 19:20
Azərbaycan Premyer Liqasının sonuncu – XXVIII turunda keçiriləcək “Qarabağ” – “Neftçi” qarşılaşmasının biletləri satışa çıxarılıb.
Korner.az Ağdam klubunun mətbuat xidmətinə istinadən xəbər verir ki, biletlərin qiyməti sektorlara uyğun olaraq dəyişir. Qapıarxası və künclərdə yerləşən sektorlar 5 manat, mərkəzi sektorlar 10 manat, VIP biletlər isə 20 manat təşkil edir.
Biletləri “Iticket.az”dan və Park Bulvarda yerləşən “Qarabağ” Fan-Şopundan ala bilərsiniz. Oyun günü isə biletlər yalnız “Azersun Arena”da satılacaq.
Qapılar azarkeşlər üçün matçın start fitindən 90 dəqiqə əvvəl açılacaq.
Mayın 21-də keçiriləcək “Qarabağ” – “Neftçi” matçı saat 19:30-da start götürəcək.
