“Qarabağ” idman institutu ilə müqavilə imzaladı
22.11.2023 , 19:24
“Qarabağ” FK ilə dünyanın tanınmış idman institutlarından olan “Johan Cruyff Institute” arasında tərəfdaşlıq müqaviləsi imzalanıb.
Korner.az xəbər verir ki, müqaviləyə əsasən, klubumuzun Əməliyyatlar departamentinin rəhbəri Fərid Ağayev və PR & Marketinq departamentinin rəhbəri Yusif Cəfərov “Johan Cruyff Institute”da təhsil alacaqlar.
Klubun mətbuat xidmətinin rəhbəri Anar Hacıyev də “Johan Cruyff Institute”da təhsilini davam etdirir.
Müqavilə şərtlərinə əsasən, klubun əməkdaşları və futbolçuları idman sahəsində təcrübələrini və təhsillərini artırmaq imkanı əldə edəcəklər.
