Topaz Premyer Liqanın V turunda AZAL-la qarşılaşacaq “Qarabağ” klubu bu oyunun hazırlıqlarına başlayıb.
Korner.az-ın klubun rəsmi saytına istinadən verdiyi məlumata görə, komanda Avroliqanın pley-off mərhələsi çərçivəsində “Ayntraxt”la oyundan (1:2) dünən axşam Bakıya qayıdıb.
Qeyd edək ki, Tofiq Bəhramov adına respublika arenasının ot örtüyünün bərpası ilə əlaqədar olaraq “Qarabağ” – AZAL oyunu 8-ci km qəsəbə stadionunda baş tutacaq.
“Qarabağ” – AZAL oyunu sentyabrın 1-də, saat 20:00-da keçiriləcək.
