Çempionlar Liqasınln pley-off mərhələsində sabah “Qarabağ”la qarşılaşacaq Danimarka “Kopenhagen”inin baş məşqçisi Stol Solbakken bu gün keçirilən oyunöncəsi mətbuat konfransında jurnalistlərin suallarını cavablandırdı.
O, əvvəlcə matç barədə fikirlərini bildirdi:
“Temperatur normaldı. Stadion da yaxşıdı, ot örtüyünün yaxşı olduğunu deyirlər. Bilirik ki, rəqib komanda keyfiyyətlidi. Xüesusilə ev oyunlarında yaxşı çıxış edirlər. Son 3 ilin nəticələri bunu göstərir. Ancaq sabah sərfəli nəticə əldə etmək istəyirik”.
– Heyət kasadlığınız olduğu deyilir. Son oyunda Yohansson da zədələndi…
– Yohansson zədəlidi. Ancaq bunu itki saymıram. Çünki onu əvəz edəcək futbolçumuz var. Digər zədələrə gəlincə, yalnızca oyuna diqqətimizk yönəltmişdik. Əlimizdə olanlarla maksimum nəticəni qazanmağa çalışacağıq.
– “Qarabağ”ın hansı özəlliyi sizi narahat edir?
– Fikirləşirəm ki, yaxşı oyunçuları var. İrəli xətti çox yaxşıdı. Hər bir oyunçusu təklikdə oyunun taleyini dəyişə bilər. Ancaq sabah büntün bir komandaya qarşı çıxış edəcəyik. Çox güclü rəqibdi. Bizim kimi “Qarabağ”ın da böyük avrokubok təcrübəsi var.
– Futbolçu kimi Qurban Qurbanova qarşı oynamısız və Norveç millisinin heyətində 2 qol vurmusuz. Fikirləşmirsiz ki, o, sabah sizdən revanş almaq istəyəcək?
– Karyeram boyu çoxlu qollar vurmuşam. Təəssüflər olsun ki hamısını xatırlamıram. Amma onlar yadımdadı, Norveç millisində ilk qollarım idi. Daha çox 1:0 qalib gəldiyimiz oyun yadımdadı. Ümidvaram ki, sabah yenidən həmin nəticəni təkrarlaya biləcəyik.
