“Qarabağ” AZAL üçün…

“Qarabağ” məşqlərə başladı. Premyerliqanın XXI turunda AZAL-ı qəbul edəcək çempionatın lideri Qəbələdən qayıtdıqdan sonra dünəni istirahətlə keçirmişdi. Bugün isə 2 çalışmayla AZAL-ın hazırlıqlarına start verilib. 

Korner.az-ın məlumatına görə, “Qarabağ”ın ilk məşqi 10:30-da baş tutub. Çalışma 90 dəqiqə davam edib. Günün 2-ci məşqi 16:00-a təyin olunub. 

XXI turda baş tutacaq “Qarabağ” – AZAL oyunun başlama saatı məlum olub. Fevralın 15-də baş tutacaq oyunun başlama saatı 17:00-a təyin olunub.