Topaz Premyer liqasının XII turu çərçivəsində baş tutan ilk oyun "Qarabağ"-"Sumqayıt_ matçından sonra "Qarabağ"ın futbolçusu Qara Qarayev suallarımızı cavablandırıb:
-"Sumqayt"ın son vaxtlarda yaxşı oynadığı hamıya məlumdu və buna görə də biz də çalışırdıq qalib gələk. Lakin oyunun əvvəlində qırmızı kart verildi. Buna görə də planlarda dəyişiklik oldu. Lakin yenə də ruhdan düşmədik və qalib gəldik.
-"Sumqayıt" sona doğru təzyiqi artırmışdı. Əgər 2-1 olsaydı sizin üçün çətin olardımı?
-Əlbəttə, bu daha çətin olacaqdı. "Sumqayıt" 10 nəfərlə qaldığımız üçün təzyiqi də artırmışdı. Bu da normal haldı. Amma yenə də bütün axsaqlıqlara baxmayaraq biz qalib gəldik.
-"Sumqayıt" avrokuboklar üçün mübarizə aparan bir komandadır və bu gün 10 nəfərlə qalan "Qarabağ"ı məğlub edə bilmədi.
-Hamı bilir ki, bu günki çempionat əvvəlkilər kimi deyil. Artıq 8 komandanın mübarizə aparması səviyyənin biraz aşağı düşməsi deməkdir. Lakin ümid edirik ki, bu problem aradan qalxacaq və daha gərgin çempionat bizi gözləyəcək. Biz daha çətin, gərgin bir çempionat arzusundayıq. İndi də belədir lakin daha maraqlı komandalarla qarşılaşmaq istəyərik.
-Qırmızı vərəqə haqqında fikirləriniz? Sizcə burda haqsızlıq var idimi?
-Düşünmürəm bu haqsızlıq və ya düşünülmüş bir hərəkət olsun. Lakin bu halları artıq aradan qaldırmalıyıq çünki hər oyun qırmızı vərəqə almağımız artıq oyun səviyyəmizi aşağı salır.
-Qarşıdan "Çelsi" ilə oyun gəlir. Komandanın ruhu necədir? Şübhəsiz ki, çətin maç olacaq. Səncə futbolçular hazırdırmı?
-Əlbəttə, biz vəziyyəti başa düşürük. Biz Bakıdakı oyunda qalibiyyət gözləməklə xəyal qurmuş olarıq. Amma yenə də biz "Qarabağ"a qalib gəlməyin elə də asan olmadığını sübut etmək istəyirik. Azarkeşlərin də dəstəyilə "Çelsi"yə gərgin anlar yaşatmaq istəyirik. Lakin unutmamalıyıq ki, biz dünyanın dev komandalarına qarşı oynayırıq.
-Pedronun olmaması barədə nə deyə biərsiz?
-Pedronun olmaması bizim üçün mənfi haldır, lakin düşünürəm ki onun yerini dolduracaq oyunçularımız da var.
-"Totenhem"lə qarşılaşmada "Qarabağ" daha çox əziyyət çəkmişdi. Sanki "Qarabağ" ingilis komandalarilə olan oyunlarda daha çox əziyyət çəkir. Razısınızmı bu fikirlə?
-Düzdü, çünki almanlar, italyanlar oyunun əvvəlində üstün olarsa axıra qədər mübarizəni davam etdirmir o qədər də. Lakin ingilislər elə deyil, onlar üstün olduqları zaman daha çox köklənirlər oyuna. Biz "Totenhem"lə mübarizədə də möhkəm idik sadəcə o qolu şanssızlıqdan buraxmışdıq. Gələcək oyunlarda da düşünürəm ki xal ala bilərik.
