Bu mövsüm Superliqa çempionu olmasa da, Çempionlar Liqasına birbaşa qrup mərhələsindən qoşulmaq haqqı qazanan “Qalatasaray” bu fürsətdən istifadə edib sponsor gəlirlərini artırmaq niyyətindədi.
Korner.az-ın məlumatına görə, klub rəhbərliyi formaönü reklam üçün yeni müştəri tapıb.
Son mövsümdə komandanın formasında reklamı yapışdırılan “Türk Telekom” yeni mövsüm üçün təklif irəli sürmədiyindən, klub başqanı Ünal Aysal yeni şirkətlə danışıqlara başlayıb. Artıq namizəd də var. Dünyaca ünlü elektronika firması “Samsung” formaönü reklam üçün “Qalatasaray”a illik 15 milyon avro təklif edib. Ünal Aysal isə qarşı tərəfin məbləği 20 milyona qaldırmasını istəyir. Tərəflər arasında danışıqlar məhz bu yöndə gedir.
